Das INS (Institut für niederdeutsche Sprache) in Bremen veröffentlichte am 12.01.2016 einen schönen und informativen Hinweis auf unsere neueste CD “Dusend Fragen” auf seiner Homepage:
(Zum Vergrößern einfach auf das Bild klicken.)
Gospel- un Spiritual-Leder mit plattdüütschen Text
De Stücken kennt wi all: „Go down Moses“, „He’s Got the Whole World in His Hands“ oder „Nobody Knows the Troubles I’ve Seen“. Dreebladd singt to de Melodien Texten ut uns Tiet. So klingt se persöönlicher, vertellt mehr vun’t Föhlen un vun de Natur üm uns rüm.
Bi’t Överdragen vun de Leder hebbt de Muskanten de Stücken ganz nee utleggt: In’t Originaal speelt de Religion faken en wichtige Rull. Man düt Thema is bi de Leder vun Dreebladd nich to finnen – jeedeen Tohörer schall de Leder för sik sülvst utleggen könen.
Dat is nu de föffte CD vun Gitta Franken ehr „Dreebladd“. Vör allen in Oostfreesland sünd se ok faken live to hören. So hebbt se jümehrn egen Sound entwickelt: eenfache Linien, klore Stimmen, nich veel Puhei.
Dreebladd – dat sünd Gitta Franken (singt un speelt Gitarr), Udo Franken un Ute de Haan (beide singt in’n Achtergrund, speelt Gitarr un Slag-Instrumenten). Arrangeert hett de Stücken Gitta Franken. De Texten hebbt Gitta un Udo Franken schreven.
Gitta Franken – Dreebladd: Dusend Fragen. Sülvstverlag 2015.
Kiek na bi: www.dreebladd.de